танилцуулга
Амьсгалын зам, харшлын тасаг нь бидний биеийн амьсгал хариуцдаг амьсгалын дээд зам, гуурсан хоолой болон уушиг, уушигны эргэн тойрон дах салст бүрхэвчийн өвчнийг оношилж эмчилдэг тасаг юм. Ханиах, цэр гарах, найтаах, хамар битүүрэх, нүд, хамар, чих, тагнай, хоолой, хүзүү хоолой загатнах, хоолой өвдөх, амьсгал давчдах, шуухитнах, цээжний өвдөлт болон цээжний зовиур гэх мэт шинж тэмдгээр эмнэлэгт ирэх нь их бөгөөд голдуу ханиад, уушигны үрэвсэл, сүрьеэ зэрэг үрэвсэлийн өвчлөл болон гуурсан хоолойн багтраа, архаг уушигны бөглөрөл, харшлын үрэвсэл, эозинофил буюу цагаан эсийн гуурсан хоолойн үрэвсэл зэрэг архаг амьсгалын замын өвчин, уушигны хавдар, хортой болон хоргүй ургацаг зэрэг өвчлөлүүд байдаг. Түүнчлэн дээрх амьсгалын замын өвчлөлүүдээс гадна тууралт, хоол хүнсний харшил, эмийн харшил, шавьжны хорны харшил зэрэг өвчлөлүүдийг ч эмчилдэг.
эмчилгээний чиглэл
- Уушигны хавдар
- Архаг уушигны бөглөрөл
- Багтраа болон харшил
- Уушигны сүрьеэ
- Уушигны үрэвсэл ба хатгаа
- Уушигны шохойжилт (хатуурал)
- Эрчимт эмчилгээ
Уушигны хавдарын клиник нь эмчилгээний арвин туршлага болон хиймэл оюун ухааны хавдрын олон талт эмчилгээнд суурилсан үр дүн өндөртэй эмчилгээнүүд хийж байна. Уушигны хавдарыг эхэн үед нь илрүүлэх, үнэн зөв оношлогоо болон тухайн өвчтөнд тохирох эмчилгээ хийн өвчтөн болон тэдний гэр бүлийнхэн хамтдаа аз жаргалтай амьдрах боломжийг олгож байна.
Архаг уушигны бөглөрөл нь хортой тоосонцор (голцуу тамхи) болон хортой хийнээс үүдэлтэй уушигны хэвийн бус архаг үрэвсэлээс үүдэн амьсгалын замын хүндрэл үүсгэдэг уушигны гол өвчлөл юм. Архаг үрэвсэл нь амьсгалын замын жижиг хэсгийн бүтэцэд өөрчилөлт өгснөөр бөглөрөл үүсэх ба уушигны эсийн чадамж устаж үйл ажиллагаа буурдаг өвчин юм. Архаг уушигны бөглөрөл нь даралт ихсэх, чихрийн шижин зэрэг олон хүндрэлүүд байдаг тул тогтмол хяналтанд байх хэрэгтэй өвчин юм. Тус клиник нь үнэн зөв оношлогоо, уушигны хавдар, зүрхний өвчин зэрэг хүнд өвчтэй өвчтөнүүддээ тус бүрт нь тохирох эмчилгээг хийдэг. Энэ салбарын дотоод дах үндсэн эмнэлзүйн судалгааны эрх бүхий мэргэжлийн профессорууд хамт ажиллах болно.
Багтраа болон харшилийн клиник нь гадаад болон дотооддоо хүлээн зөвшөөрөгдсөн мэргэшсэн хоёр профессор эмчилгээ хийдэг бөгөөд багтраа, архаг ханиалга, харшил(харшлын үрэвсэл, харшлын нүдний салст бүрхэвчийн үрэвсэл, тууралт, хоол хүнсний харшил, эмийн харшил, шавьжны хорны харшил, цочмог харшил, цочрол)-ийн тодорхой оношлогоо болон өндөр зэрэглэлийн эмчилгээ хийж байна. Ялангуяа Качон их сургуулийн Гил эмнэлэг нь удаан хугацааны эмчилгээ шаардагддаг дархлааны эмчилгээний аргын сул талыг даван туулах боломжтой лимфо-дархлааны эмчилгээг боловсруулж судалгаа хийснээр гэрийн тоосны хачиг, тэжээвэр амьтны харшлын үрэвсэлийн эмчилгээг дэлхийд анх амжилттай эмчилж олон улсын харшлын төв болж хүлээг зөвшөөрөгдсөн.
Сүрьеэ нь сүрьеэний нян(Mycobacterium tuberculosis)-гаар үүсгэгддэг үрэвсэлт өвчин юм.
Уушигны сүрьеэ нь өвчтөнөөр дамжин бусдад халдварладаг тул түргэн оношилж эмчлэх нь маш чухал юм. Солонгост онцгой шалтгаангүй 2 долоо хоногоос дээш ханиалгах шинж тэмдэг байгаа тохиолдолд эмчид хандах шаардлагатай гэж үздэг. Качон их сургуулийн Гил эмнэлэгийн уушигны төв доторх амьсгалын зам, харшлын тасаг нь Сүрьеэгийн хяналтын үндэсний төсөлд оролцдог бөгөөд хамгийн сайн эмчилгээнээс гадна эмчилгээний өндөр үр дүн гаргахын төлөө сүрьеэгийн тусгай сувилагчийн хамт эмчилгээ хийж байна.
Уушигны үрэвсэл ба хатгаа нь нян болон вирусаар халдварладаг уушигны цочмог үрэвсэлийн халвдарт өвчлөл юм. Уушигны хатгаа нь 7-14 хоногийн дотор өндөр халуурах, ханиалгах, цээжээр өвдөх, цэр гарах зэрэг шинж тэмдэг илрэх бөгөөд цээжний рентгэн зураг, CT зураг болон цэрний шинжилгээгээр оношлогддог. Өндөр настан, ужиг өвчин зэргээс болж дархлаа сул тохиолдолд эмнэлэгт хэвтэх шаардлагатай хүмүүс хатгаа авах эрсдэл өндөр тул болгоомжтой байх хэрэгтэй. Өндөр халуурах болон амьсгалын замын цочмог шинж тэмдэг илэрвэл эмнэлэгт хандахыг зөвлөж байна. Уушигны хатгаанаас урьдчилан сэргийлэх арга нь уушигны хатгааны эсрэг вакцин болон томууны вакцин юм.
Уушигны хатуурал нь уушигны салстад үүсдэг олон төрлийн өвчнөөс үүдэн бий болдог хүнд төрлийн өвчин бөгөөд өвчний шинж тэмдэг, явцаас хамааран дүгнэлт нь өөр өөр байдаг. Уушигны шохойжилт(IPF) зэрэг олон төрлийн өвчлөл байдаг ба сүүлийн үед асуудал болоод байгаа химийн бодисын(жш: чийгшүүлэгчээс үүдсэн уушигны өвчин) үүдэлтэй өвчлөл их гарч байгаа бөгөөд манай эмнэлгийн уушигны төвийн нарийн мэргэжлийн эмч нарт хандан мэргэжлийн зөвлөгөө болон эмчилгээ авах боломжтой юм.
Эрчимт эмчилгээ нь амьсгалын замын цочмог хүндрэл, хам шинж болон эрчимт эмчилгээ шаардлагатай өвчлөлд эмчилгээ хийдэг тусгай эмчилгээний тасаг юм. Качон их сургуулийн Гил эмнэлэг нь эмчилгээ үйлчилгээний чанарыг сайжруулж, өвчтөн болон асран хамгаалагчийн сэтгэл ханамжийг өндөрсгөх эрчимт эмчилгээний нарийн мэргэжлийн, өндөр түвшний мэргэжилтнүүд эмчилгээ хийж байна.
