Gachon University Gil Hospital

Тархины цус харвалт нь тархины судасны өөрчилөлтөөр үүсдэг өвчин бөгөөд судас бөглөрч тархи цусаар хангагдаж чадахгүй байснаар тархины шигдээс үүсэх, эсвэл тархины судас хагарч цус харвах гэж 2 хуваадаг. Тархины шигдээс эмчилгээний хамгийн гол зүйл нь өвчлөл үүссэнээс хойш хир удаж байж эмчилгээ хийсэн нь чухал юм. Түүнчлэн тархины цус харвалт нь дахих тохиолдол их байдаг бөгөөд дахихаас урьдчилан сэргийлэх нь маш чухал. Тиймээс тархины цус харвасан өвчтөнүүд мэдрэлийн тасагт хандаж байнгын хяналтанд байх шаардлагатай.

Эпилепси буюу татах нь эдгэшгүй болон удамшлын өвчин биш юм. Ерөнхийдөө эпилепси өвчтэй 10 өвчтний 8-9 хүн нь зохих хэмжээний булчин таталтын эсрэг эм ууснаар хэвийн амьдралдаа орох боломжтой. Мэдрэлийн тасаг нь эпилепситэй өвчтөнүүддээ нийгэмшихэд нь туслан ажиллаж байна. Түүнээс гадна ухаан алдах, татаж унах зэрэг шинж тэмдэгүүдийн шалтгааныг тодорхойлох, эмчлэх ажлыг мэдрэлийн тасагт хийж гүйцэтгэж байгаа бөгөөд зохистой тохирсон эмчилгээ болон хяналтанд хамрагдах боломжтой.

Зөнөх өвчин нь Альцгеймерийн өвчнөөс гадна судасны, түр зуурын, Lewy body зөнөх өвчин зэрэг олон тархины үйл ажиллагаа буурдаг өвчин байдаг ба тархинд шингэн хурах, тархины хавдар, тэжээлийн дутагдал зэргээс үүдэн ой санамж буурах зэрэг зөнөх өвчний шинж тэмдэг илэрч болно. Зөнөх өвчний шинж тэмдгийг хөгшрөлттэй холбоотой хэвийн зүйл гэж андуурч хожуу оношлогдох нь элбэг бөгөөд тийм тохиолдолд эмчилгээ хийх боломжтой үеийг нь өнгөрөх эрсдэлтэй бөгөөд өвчнийг зөв болон эрт үед нь оношлох нь чухал юм. Мэдрэлийн тасгийн эмч нар зөнөх өвчнийг тодорхой оношлогоо болон зөв хяналтад тулгуурлан зөнөх өвчтэй өвчтөнүүдын нийгэмшилт болон өдөр тутмын үйлдэлийг дэмжиж туслан, гэр бүлийнхэнийх нь зовлонг багасгахын төлөө бүхнээ дайчлан ажиллаж байна.

Parkinson-ы өвчин нь чичрэх, булчин хатуурах, алхах эмгэг зэрэг шинж илэрч болох ба эмийн эмчилгээнд эхэн шатны өвчлөлийн шинж тэмдэг бараг алга болж болдог. Parkinson-ы өвчний шинж тэмдэг илэрдэг өвчлөл олон байдаг учраас зөв оношлох нь маш чухал юм. Гар чичрэх, хөдөлгөөн хэвийн бус, алхахад хүндрэлтэй байвал мэдрэлийн тасгийн мэргэжлийн эмчид хандах хэрэгтэй.

Гар хөл бадайрах нь маш элбэг байдаг шинж тэмдэг юм. Олон хүмүүс үүнийг цусны эргэлттэй холбон үздэг ба үүнээс илүү чихрийн шижингийн шинж тэмдэг болон бугуйн өвдөлт нь гол шинж тэмдэг бөгөөд захын мэдрэлийн эмгэг байх нь элбэг. Хөгширч байгаагаас боллоо гэж бодолгүй гар хөл бадайрах, булчин агших болон хүч чадал буурах шалтгаанаа олж мэргэжлийн мэдрэлийн эмчид хандан зөвлөгөө авч эмчилгээ хийлгэхийг зөвлөж байна.

Тархины цус харвалтын дараа үүсдэг, өвдөлт, herpes zoster-ын дараах мэдрэлийн эмгэг, гурвалсан мэдрэлийн өвчлөл, дискний өвчин, өвдөлт, булчингийн өвдөлт болон захын мэдрэлийн өвчлөлөс үүдэлтэй өвдөлт зэрэг нь мэдрэлийн тасагт хамрагддаг өвчин юм. Эдгээр олон төрлийн өвдөлтийг мэдрэлийн чиглэлийн шинжилгээнд үндэслэн оношилж, эмчилдэг.

Унтах үед бидний биед өдөр хуримтлагдсан биеийн болон сэтгэлзүйн ядаргаа гарч тайвширан сурч мэдсэн зүйлсийг удаан хугацаанд хадгалах зэрэг үйлдэл явагдаж байдаг. Тиймээс унтаж чадахгүй бол эрүүл мэндэд маш их асуудал үүсдэг. Олон хүмүүс нойрны эмгэгээс болж таагүй байдалтай байна. Мэдрэлийн тасгийн эмч нойртой холбоотой бүхий л асуудлыг эмчилж оношилж, асуудлыг тань шийдэж өгөх болно.

Үнэндээ толгой өвдөх тоо томшгүй олон шалтгаан бий бөгөөд үүний нэг том шалтгаан нь тархины өвчлөл юм. Гэвч чухал биш гэх энгийн толгой өвдөлт ч тархины хавдар, судасны гажиг зэрэг аюултай өвчний эрт үеийн шинж тэмдэг байж болох учраас хожуу оношилвол амь насаа ч алдах эрсдэлтэй байдаг. Өвчин намдаах эмийг хэтрүүлэн хэрэглэх нь ноцтой өвчинг үүсгэдэг тул мэдрэлийн мэдрэлийн эмчид хандаж зөвлөгөө авах хэрэгтэй.

Толгой эргэх нь бас л түгээмэл зовиур бөгөөд заримдаа гэнэт хүчтэй өвдөж ноцтой өвчин байх гэсэн айдас төрүүлдэг. Толгой эргэх нь олон шалтгаанаас болж илэрдэг бөгөөд үндсэн шалтгаан нь тархины системд бус төв мэдрэлийн тогтолцооны өөрчилөлтөөс үүдэн илэрдэг ба хожуу оношлогдсон тохиолдолд ноцтой уршиг үлдээдэг байна. Тиймээс мэргэжлийн мэдрэлийн эмчийн нарийн оношлогоо шаардлагатай.

Нүүрний нэг талд саажилт үүсч ам эргэн, нүд сайн анихгүй байхыг нүүрний саажилт гэнэ. Энэхүү захын мэдрэлийн нүүрний саажилт нь тархины саажилттай төстэй бөгөөд зайлшгүй ялгаж оношлох шаардлагатай. Нүүрний мэдрэлийн саажилт нь мэргэжлийн мэдрэлийн эмчийн дүгнэлтээр шинжилгээ хийн амархан оношлогддог бөгөөд зохих эмчилгээ хийлгэснээр шинж тэмдэг сайжрах ч боломжтой байдаг.