Gachon University Gil Hospital

Шүдний хэлбэр засах эмчилгээ нь хэлбэр засах болон мэс заслын аргаар шүдийг хэвийн хэлбэртэй болгож гоо зүйн байдлыг хангадаг салбар бөгөөд эмнэлзүйн олон туршилт судалгаа, хангалттай тоног төхөөрөмж, өсөлтийн талаар болон шүдний хөдөлгөөний талын асар их мэдлэг шаарддаг тасаг юм.

Гил эмнэлгийн шүдний гажиг заслын тасаг нь (Шинжлэх ухааны баримтат судалгаа -SCI) эрдэм шинжилгээний өндөр стандарт, CBCT(Конус цацрагийн компьютер томографи), компьютер дүгнэлтийн программ, амны хөндийн 3 хэмжээст сканнер зэрэг орчин үеийн тоног төхөөрөмж, урт удаан хугацааны эмнэлзүйн туршлагыг хослуулдаг бөгөөд зөвхөн хэлбэр засах эмчилгээ хийх биш буйл цоолж гарч чадахгүй эрүүний ясанд ургасан шүд, апноэ буюу нойрон дундах амьсгалгүйдэлт, сэтэрхий уруул, тагнай цоорхой зэрэг нүүрний янз бүрийн дисплази бүхий өвчтнүүдэд тохирсон эмчилгээ хийдэг нарийн салбар юм.

Эрүү нүүрний мэс засал нь амны хөндий, эрүү, нүүрэнд илэрсэн хавдар, гажиг, халдвар, гэмтэл зэрэгт мэс заслын болон туслах эмчилгээ хийдэг шүдний мэргэшсэн нарийн салбар юм. Голлох эмчилгээ нь 25-ны агт араа авах болон имплант суулгах зэрэг жижиг мэс заслууд, эрүү засах мэс засал, эрүүний хугарал, эрүүний ясны хавдар, ургацаг, эрүүний үений өвчин, сэтэрхий уруул, тагнайн цоорол, эрүү нүүрний халдварт өвчин, эрүү нүүр сэргээн засах гэх мэт. Качон их сургуулийн Гил эмнэлгийн эрүү нүүрний мэс заслын тасагт 3D дүрс оношилгоо, инплантын мэс засал, мэс заслын загварчлал, 3D хэвлэгч ашиглан аюулгүй үнэн зөв эмчилгээ хийхийн төлөө хичээнгүйлэн ажиллаж байна.

Хорхойтсон, гэмтсэн зэрэг өвчилсөн шүдийг аль болох бүрэн бүтэн авч үлдэх зорилготой эмчилгээ хийдэг. Шүдний эмчилгээний тасгийн голлох эмчилгээнд сэргээн засах /бүрэх, бөглөх/, сувгийн эмчилгээ ордог. Үүнээс гадна шүд цайруулах, гоо зүйн протез, сувгийн эмчилгээ хийхэд хэцүү шүдийг хадгалах зорилгоор шүдний нөхөн сэргээх эмчилгээг ч хийдэг.

Шүдний паалан нь хорхойтох болон буйлны өвчнөөс болж алдагдсан шүдний үйл ажиллагаа болон гоо зүйг нөхөн сэргээхэд хамгийн сүүлийн үеийн хиймэл шүдний аргыг ашиглан имплант, хиймэл шүд зэргийг хийж байна.

Буйлны өвчин нь хөнгөн үрэвсэл нь хүндэрч шүдийг барьж байдаг яс хүртэл үрэвсдэг өвчин бөгөөд түүнийг эмчилдэг тасаг юм. Хамгийн энгийн эмчилгээ болох скэйлингээс эхлээд буйлны эмчилгээ, буйлны мэс засал, буйл засах мэс засал, хиймэл шүд суулгах зэрэг бүхий л төрлийн буйлны эрүүл ахуйн болон гоо сайхны эмчилгээг хийдэг.

Имплант буюу шүдний суулгац гэж шүдний хорхой болон буйлны өвчнөөс болж шүд унасан хэсэгт хүний биед хоргүй титан, хайлш болон тусгай металлаар хийсэн хиймэл шүдний ёзоор суулгаж, ясанд сайн суурилсны дараа шүдийг суулгаж зажилах ажиллагаа болон гоо зүйг сэргээдэг эмчилгээ юм. Эрүүний ясанд суулгасан хиймэл шүдний ёзоорт хиймэл шүдийг угсарч хүний өөрийн шүдтэй адил хэлбэр, үйл ажиллагаатай шүд хийж өгдөг эмчилгээ гэж ойлгож болно. Имплант нь зэргэлдээх эрүүл шүдийг авах шаардлагагүй, эвгүй хиймэл шүд хэрэглэх ч шаардлагагүй бөгөөд хиймэл шүдтэй байсан ч бусад шүд хэвийн үлдэх чадварыг нэмэгдүүлдэг зэрэг олон сайн талтай учир түгээмэл хэрэглэгддэг арга юм.

Качон их сургуулийн Гил эмнэлэг нь Эрүүл мэнд нийгмийн хамгааллын яам, Инчеон хотын дэмжлэгтэйгээр “Инчеоны хөгжлийн бэрхшээлтэй иргэдийн амны хөндийн эмчилгээний төв”-ийг ажилуулдаг. Хөгжлийн бэрхшээлтэй иргэдэд тав тухтай шүдний эмчилгээ хийж, хүнд хэлбэрийн хөгжлийн бэрхшээлтэй өвчтнүүдэд ерөнхий мэдээ алдуулалт хийдэг. Түүнчлэн хөгжлийн бэрхшээлтэй өвчтнүүдийн зэргээс нь хамаарч шүдний эмчилгээний төлбөрийн дэмжлэг үзүүлэх, амны хөндийн үзлэг, амны хөндийн эрүүл мэндийн боловсрол олгох зэрэг олон нийтийн эмнэлгийн үйлчилгээг хэрэгжүүлж байна.